Барилгын салбарын бүтээн байгуулалт ид өрнөж буй энэ цаг үед салбарынхаа бүхий л хэрэгцээт мэдээллийг нэг дор цогцлоож чаддаг Монголын хамгийн олон оролцогч, үзэгчтэй “BARILGA EXPO 2019” олон улсын үзэсгэлэн, яармаг өнөөдөр 12 цагт эхлэх гэж байна.
Үзэсгэлэн 2 хэсгээс бүрдэх бөгөөд өнөөдрөөс “Барилгын материал дэвшилтэт технологийн үзэсгэлэн” эхлэж, 05 дугаар сарын 03-05-ны өдрүүдэд Орон сууц, хаус дизайны үзэсгэлэн “Мишээл экспо” төвд болно.
Та барилгын материал дэвшилтэт технологийн үзэсгэлэнгээс барилга, байгууламжийн суурь тавихаас эхлээд түлхүүр хүлээлгэн өгөх хүртэлх бүхий л хэрэгцээт материалыг олж авахын зэрэгцээ амины орон сууц, хаус барихад хэрэгтэй, шаардлагатай бараа материал, мэдээ мэдээллийг давхар авах боломжтой. Харин Орон сууц, хаус дизайны үзэсгэлэнгээс нийслэл болон орон нутагт захиалга авч буй орон сууцны 50 гаруй төсөл хөтөлбөр болон амины орон сууцны оновчтой шийдлүүд, зөвлөгөө зөвлөмж, загвар дизайны талаарх цогц мэдээллийг зөвхөн энэхүү үзэсгэлэнгээс авах болно.